Zer gertatu da azaroan?
Hile honen lehenengo egunean, Getxoko familia bat etorri zen gurera eta 10ean, Karrantzako Eskolako lehen hezkuntzako klase bi etorri ziren. Haien bisitak bi helburu garrantzitsu izan zituen: alde batetik, baserria eta gaztandegia ezagutu, bisita euskaraz eta ingeleraz eginda, eta beste aldetik, berdintasunaren gaia lantzea. Hori dela eta, lehenik eta behin eskolan egon ginen emakumeak baserrian duen lanari buruz hitz egiteko, eta ondoren baserria ezagutu zuten Miren (euskara) eta Helenen (ingelera) eskutik. | |
|
| Azaroaren 24an eta 29an, Garapen jasangarrirako hezkuntzako kurtsoko talde bi etorri ziren berriz gurera. Lehengo taldea euskaraz eta bigarrena gaztelaniaz. |
|
| Azkenik, Kataluniako bikote baten bisita jaso genuen. |
Hilean zehar 6 azokatan izan gara. 5, 19 eta 26an Bilboko Areatzako merkatuan egon ginen, 20an Zorrozaurreko azoka ekologiko alternatiboan eta egun berean Errekaldeko azokan. Azkenik, azaroaren 27an Basauriko Sagarrak taldeak antolatutako azokan egon ginen. |
|
Hilearen erdialdera, Bizkaiko Foru Aldunditik etorri ziren krotalen ikuskapena egiten. Krotal bat da, animali bat jaiotzean belarrian jartzen zaion belarri- takoa, hau egiten da animalia berri guztiak identifikatuta izateko. Horrela, jaiotzen denetik aste betera krotala jartzen zaio txahal edo zekorrari ber identifikazio-zenbakiarekin, zeina bere bizitza osoan zehar edukiko duen. Baserri bakoitzari krotal sorta bat ematen diote animaliak jaiotzen diren heinean erabiltzeko. Animaliari krotala jartzearekin batera, hainbat gauza egin behar dira: Krotalaren zenbakia Esplotazio liburuan apuntatu behar da, animaliaren izena (izatekotan), amaren krotalaren zenbakia, animaliaren sexua, arraza eta Eskualdeko Nekazaritza Bulegoan alta data apuntatu. ENBak animaliari identifikazio-agiria egiten dio eta animaliak DAIa jasotzen du, gure kasuan NANa izango zena. Ikuskapena egiten dute ziurtatzeko krotalak kronologikoki erabiltzen direla eta animalia guztiak modu egokian identifikatuta daudela. |
|
Hileko landarea: Sonchus sp.
|
| 130 espezie inguru daude Sorchus generoan. Landare hauek moztean esne-itxurako likidoa galtzan dute. Sustantzia hau iraganean erabilia izan da, adibidez txerri emeei emateko haien esne kantitatea handitzeko asmoarekin. Hostoak jan daitezke eta letxugaren antzeko zaporea dute. Gaur egun landare hau “belar txartzat” hartzen da. |
Hile honetan txahal bat eta 2 zekor jaio ziren.
|
|
Zer jan zuten behiek? Hile honetan berriz, behiek alpapa, zalkea, belar siloa, belar idorra eta pentsu pixka bat jan dute.
|
|
Hileko errezeta: Sagar tarta gaztarekin. | Errezeta hau ere askotan egin daiteke… gazta edo sagar gehiago edo gutxiago, sagar azidoagoak edo hain azidoak ez direnak, edo gazta suabe edo gogorragoarekin. Hostore basiko bat egin (errezeta 6 koilarakada irin erabiltzeko moduan moldatu). Orea zabaldu eta zirkuluetan moztu, opilak egiteko erretiluak dituen zuloen tamainaren arabera (argazkia ikusi).
Nahastura:
500g sagar purea
200g gazta birrindua
Korintoko mahaspasak
Sagar purea berotu. Gazta birrindua pixkanaka gehitu, etengabeki irabiatuz dena urtu arte. Noizean behin nahastura dastatzea komenigarria da guk lortu nahi dugun zaporea lortzeko…gazta gehiago edo gutxiago pertsona bakoitzaren gustuen arabera.
Erretiluaren zulo bakoitzean bi edo hiru mahaspasa jarri hostorearen gainean, eta ondoren, sagar eta gazta nahasturarekin bete. Laberatu 20 minutuz 150ºCtara.
Hotz zein bero jan daiteke. |
|
|
Azaroaren 23an, Euskal Herriko Unibertsitateko Gasteizko kanpusean egondako “Elikadura jasangarria: elikadura berri baterako ikertzeko beharra” jardunaldian izan ginen. Bost proiektu aurkeztu ziren zeinetan elikagaiak ekoiztu eta merkatuan saltzeko era desberdinak bilatzen diren, haietako bat gure proiektua izanda, Vista Alegre Baserria. Jarraian, partaide bakoitza, I+Dko proposamenak aurkezteko aukera izan zuen, bai bere proiektuaren inguruan zein elikagaien inguruan orokorrean. Gure kasuan, 10 bat proposamen aurkeztu genituen eta hauek laster gure web gunean aurkeztuko ditugu. |
|
Apo txiki hau gure gaztandegitik gertu agertu zen. |
|
Urriko laburpenean Pseudeletia unipuncta beldarrarekin izandako arazoak aipatu genituen, zeina gure zelaien belarra jaten zebilena. Normalean, udazkenean, azken belarra moztu barik usten da haziak aprobetxatzeko eta era naturalean erein ahal izateko. Zoritxarrez, aurten beldarrak egon direnez hain zuzen ere haziak hozi behar zirenean, hazia erosi behar izan dugu eta zuzeneko erein behar izan egin. Adibide ona da ikusteko nola, batzuetan, naturaren eta abeltzaintzaren interesak ez doazen elkarrekin, eta kasu honetan, guretzako gehiegizko gastu izan da. |
|
Egurraldia dela eta...
| Hile honetan zehar aldaketa handiak izan ditugu eguraldiari dagokionez. Tenperatura minimoak -0.5ºC eta 11ºC artekoak izan dira, eta maximoak 6 eta 19ºC artekoak. Euri askoko egunak izan ditugu, baina hego-haizeko egunekin tartekatuta. 237 litro jaso ditugu plubiometroan. Azaroaren lehenengo astean mendietan elurra egin zuen, urte amaiera honen lehengo elurtea eta zelaietan lehengo izotzak izan ditugu, nahiz eta leunak izan ziren. |
| Egunsenti politak izan ditugu ere. |
|
Saltzen den gatz arrunt gehiena antiglomeratzaile bat (E-536) dauka, zeina gure gaztandegian ezin dugun erabili ez dagoelako ekoizpen ekologikoan onartuta. Berez, gatz “ekologikoa” ez da existitzen, beraz gehigarririk gabeko gatza aurkitu behar dugu. Gure kasuan, Añanatik, Araba, ekartzen dugu gatza. Gatz hau gehigarririk gabekoa da, nahiz eta batzuetan bertan dauden algen zatiak dituen. |
|
Esnearen kalitatea
|
|
|
|
|
Parametroa
|
Emaitza onena
|
Emaitza
|
|
|
|
Gantza
|
>3,70
|
4,25
|
Proteina
|
>3,10
|
3,24
|
Bakteriologia
|
<100.000
|
10.000
|
Zelula somatikoak
|
c. 150.000
|
202.000
|
Inhibidoreak
|
Ez
|
Ez
|
|