Zer egin genuen ekainean?
Ekainaren 8an eta 9an, Eusko Jaurlaritzako Osasun Publikoaren ikuskapena izan genuen; ausazko analitikak egiten ditu elikadura- industrietan. Ez da izan tokatu zaigun lehenengo aldia. Oraingoan, gure gazta heldu eta freskoen laginak eraman zituzten, Listeria monocytogenes, Salmonella ssp edota Estafiloenterotoxina duten ala ez egiaztatzeko. Gazta freskoaren analitikaren emaitzak erakutsi du ez duela elementu negatibo horietako batere. Beste emaitzak oraindik faltatzen dira.
|
|
Joan den hilean, bigantxa misto bat jaio zen, eta saldu egingo dugu. |
| 14an, ostera, esnea emateko gai den bigantxa bat: ederki ospatu dugu! |
|
Ekainean ere, eguraldia oso aldakorra izan zen: egun batzuk epelak eta lehorrak izan ziren, 30 ºC-tik gorako tenperaturekin; beste batzuk , aldiz, freskoagoak eta hezeagoak, 20 ºC-tik gertuko tenperaturekin. Plubiometroan, 110 litro baino gehiago jaso genituen, ohi baino askoz ere gehiago. |
|
Zer jan zuten behiek? Eguraldi onari esker, egun askotan bazkatzera irten ziren, baina berdea nahiz belar eta pentsu apur bat ere eman genien, osagarri. |
|
|
Hileko errezeta: ezti-karamelua gazta freskoaz
150 g gazta fresko
2 banana
120g mugurdi
Karamelurako:
150 g azukre
100 g ezti
100ml ur
Limoi-tanta batzuk
Prestatu karamelua: jarri zartagin batean azukrea, eztia eta ura limoi- tanta batzuekin, eta eragin etengabe. Berotu, harik eta karamelu bihurtu arte. Kendu sutik eta utzi egonean, agertu ohi den aparrak behera egin dezan.
Jarri karamelua sukaldeko bi paper artean eta zabaldu arrabol batekin, ahalik eta meheena bera. Utzi hozten gogortu arte eta kendu papera.
Kendu azala bananei eta moztu xerratan. Moztu gazta freskoa xafla hori- zontaletan.
Muntatu geruzatan, gazta freskoa, banana, mugurdiak eta karamelu-puskak tartekatuz.
Ondoren, jakina, jan eta gozatu! |
Hileko lorea: Teucrium pyrenaicum |
| Munduan ehunka Teucrium espezie dauden arren, espezie zehatz hau Pirinioen eta Europako mendien artean baino ez dago, aurkitu dugun informazioaren arabera. Gure baserrian, bi tokitan dago, harkaitz edo harrien gainean. Sastraka ba- xuetan hazten da, eta iraganean tripako mina sendatzeko erabili zen. Ez du bazka-baliorik. Uste denez, Teucrium izena Troiako Teucer erregearen izenetik datorkio. |
Aurreko hiletan tximeletak ikusi bagenituen ere, batzuk oso goiz urteko sasoia kontuan hartuta, orain askoz gehiago daude, bai kopuruari bai espezieei dagokienez. Esaterako, hauxe: hegazterren- tximeleta (Agalis io). |
|
Koronabirusa izan zezakeelako bajan zegoen lantaldeko kide bati beste analitika bat egin zitzaion, eta negatibo atera zen berriro. Une horretan, berriz galdetu genuen odol-analitika egitea komenigarria ote den, eta ezetz erantzun ziguten; lankideari alta eman zioten, lanera itzultzeko. Gure ustez, hausnarketa serioa egin behar da testen, beren fidagarrita- sunaren eta egoera zalantzagarrietan jokatzeko moduaren gaineko informazioaren bilakaerari buruz. Une honetan, gure lankideak birusa izan duen ala ez argitzeko baieztapen ofizialik ez dago. | Aurten ere, Gurutzetako Ospitaleak (Barakaldo) Vista Alegre gaztak eta jogurtak sartu zituen bere menu berezi ekologikoan, ekainaren 5ean, In- gurumenaren Nazioarteko Egunean, hain zuzen. Ekimenak, aurten, esan- gura berezia izan du, kontuan hartuta COVID-19aren krisian zer-nolako garrantzia hartu duen tokiko eta kalitateko janariak. |
Zorionak eman nahi dizkiogu Mireni, ekainaren 6an bere alaba jaio zelako. Besarkada handi bat, halaber, Vista Alegre taldeko gainerako kideei. |
Esnearen kalitatea
|
Parametroa
|
Emaitza onena
|
Emaitza
|
|
|
Â
|
Gantza
|
>3,70
|
3,71
|
Proteina
|
>3,10
|
3,26
|
Bakteriologia
|
<100.000
|
33.000
|
Zelula somatikoak
|
c. 150.000
|
247.000
|
Inhibidoreak
|
Ez
|
Ez
|
|