Aurten ere, Elikagai-bankuak bilketa berezia egin zuen urtearen amaieran,

COVIDak eragindako egungo egoeran inoiz baino garrantzi handiagoa duen

bilketa. Vista Alegre esnea jasotzera etorri ziren abenduaren 14an.

Hileko errezeta: datil, gazta urdin eta hirugihar pintxoak

500 g hirugihar, xerra finetan moztua, eta gero erdietan.

500 g datil, hezurrik gabe

100 g gazta urdin... edo beste gazta-motaren bat, gustuen arabera.

Berotu labea 190 ºC-an. Moztu datilak goitik behera bi zatitan, bi erdiak

erabat bereizi gabe. Ireki eta bete gaztarekin. Itxi eta bildu hirugihar-xerra

batez. Eutsi txotx batekin. Jarri laberako erretilu baten eta laberatu 30-40

minutuz, edo hirugiharra kurruskari egon arte. Eman buelta 20 minutu

pasatutakoan, alde guztietatik gorri daitezen.

Hileko lorea. Asun borta (Lamium maculatum)

Hainbat Lamium espezie dago Europan eta Asiako eremu batzuetan,

eta horietako batzuk oso antzekoak dira. Hau asun borta dela uste dugu.

Ez du bazkatarako balio, baina kolore apur bat ematen die kolorerik

gabeko neguko paisaiei.

Abenduko lehen 11 egunetan euria egiten jarraitu zuen, orotara 361 litro.

Zonarik altuenetan, harria eta elurra egin zuen. Izozteren bat izan genuen,

ahulak baina.

Gero, egun ostarteak izan genituen, eta hego haizeak ohikoak

ez diren tenperatura altuak ekarri zituen, 19,1ºC artekoak. Abendua

euri pixkat gehiagorekin amaitu zen; beraz, euri-neurgailuak jasotako

prezipitazioa 371 litrora iritsi zen. Horrek esan nahi du urteko1779litro-

etatik 854 bakarrik azaroan eta abenduan egin zituela.

Hilaren 13an, egunsentiarekin batera inbutu-hodei hau ikusi genuen.

Denbora laburreandesegin zen, lurra ukitzera iritsi gabe.

Zer bazkatu zuten behiek?

Abenduan, behiek zalkea, alpapa, belar-siloa eta pentsu pixka bat jan zuten. Esne-behiak

ez ziren bazkatzera atera; bigantxak eta beste behiak bai, ordea, egunen batzuetan.

Eguberrietarako, eta hotz egin dezakeelako, Vista Alegre Baserriko taldeko

kide bakoitzak txano oso berezia du orain. Karrantza bertako mutur beltz

arrazako ardiaren artileaz eginiko txanoa. Txanook bertako bikote batek

egin dizkigu, arraza hori ez desagertzeko borrokan ari den bikote batek.