Zer egin genuen urrian?
Baserriko lanak ohiko erritmoan jarraitzen du: jetzi, pabiloiak garbitu, simaurra eta minda zabaldu, |
|
eta bigantxak ohikotasunez bisitatu. |
| Horrez gain, behien apatxak ikuskatu genituen, aldian-aldian egiten dugun bezala, denborarekin herrena eragin dezakeen zauri, harri, burdina edo zurezko elementu txertaturik ez dutela egiaztatzeko. |
|
Hilabete luzez, esnea emango duen bigantxarik jaio gabe egon gara; orain, aldiz, taldetxo polita dugu. Izan ere, urrian beste bigantxa bat jaio zen. |
|
Baratzeak barazkiak ematen jarraitzen du, garai honetan azalorea, brokolia, azenarioak, porruak, eta azken piper eta tomateak. |
|
Hileko lorea. Berbena limoiusain (Aloysia citrodora) |
| Indietako berbena izenez ere ezaguna, berbenen familiakoa da, Hego Amerikakoa. Han usu erabiltzen diren ezaugarri sendagarriak ditu, eta kozinatzeko, apaingarri gisa edo duen usainagatik erabili ohi da. Izan ere, berbena honen hostoek esentzia-olio asko dute, eta olio horren osagai nagusia zitrala da. Horrexegatik du usaina eta erabiltzen da sukaldean. |
Hileko errezeta: barazki- eta urdaiazpiko-kaneloiak
20 kaneloi-xafla
200 g ziazerba
1 tipulin edo tipula txiki
2 azenario
2 baratxuri-ale
400 ml tomate-saltsa
10 xerra urdaiazpiko egosi
100 g gazta ondu arraspatu
400 ml esne oso
40 g irin
Oliba-olioa
Perrexila
Intxaur muskatua
Gatza
Zuritu baratxuri-aleak, tipulina eta azenarioak, eta txikitu fin-fin. Bigundu kazolan olio eta gatz apur batekin. Zatitu ziazerbak eta bota kazolara, tarte batez sueztitzeko. Erantsi irina eta, gero,isuri esnea pixkanaka, eragiteari utzi gabe. Gainean, birrindu intxaur muskatu pixka bat (edo bota intxaur muskatu hautsa). Kozinatu bexamela 7 bat minutuz, eragiteari utzi gabe.
Jarraian, berotu ura lapiko handi baten. Ondu eta, irakiten hastean, erantsi kaneloi-xaflak, paketeko jarraibideen arabera irakiteko. Xukatu eta jarri su- kaldeko zapi garbi baten gainean. Zabaldu kaneloiak gainazal lau batean, moztu urdaiazpiko-xerrak erditik eta jarri zatiak kaneloi-xaflen gainean. Erantsi barazki- eta bexamel-nahaskia, eta bil itzazu. Jarri laberako erretilu batean.
Estali kaneloiak tomate-saltsarekin, hautseztatu gazta arraspatuarekin eta sartu labean 275 ºC-tan, gazta urtu eta gorritu arte. Zerbitzatu aurretik, apaindu perrexil-hosto batzuekin. |
Egurraldia dela eta...
| Urria eguzkitsu samarra izan zen, eta 20 ºC baino gehiago izan genituen batzuetan. Tenperatura minimoak 6 ºC-tara jaitsi ziren, batez ere gauez hodeirik ez zegoelako. Hala, euri-neurgailuan 49 l bakarrik jaso bagenuen ere, goizetan ihintz asko izan zen, eta horrek lurraren hezetasuna bermatu zuen. Horregatik guztiagatik, egunsenti oso koloretsuak ikus genituen. |
|
|
Zer jan zuten behiek? Irailean bezala, zalkea, alpapa, belar siloratua eta bazka zein pentsu pixka bat jan zuten. |
Baserriko basa-bizitza oso agerikoa da oraindik, eta ez elementu handienak bakarrik.Sasitza bat garbitzen ari ginela, Clathusruber izeneko onddo bitxi bat aurkitu genuen. Leku askotan,"kaiola gorria" esaten zaio, bere itxuragatik: obal-formako gorputza du, eta elkarri lotutako adarrez eginiko sareta bat. Behealdeko gainazalak muki-mintz batez estalita daude. Mintzaren kiratsak euliak eta beste intsektu batzuk erakartzen ditu, esporak sakabanatzen laguntzeko. |
|
|
COVIDa dela eta, taldekide guztiok txertaturik gaude, inork ez baitio aukerari muzin egin. Hala ere, osasun-segurtasunerako neurri guztiak betetzen jarraitzen dugu: maskarak, gelak, distantziak. Dei ugari jaso ditugu gaztandegia ikustera etortzeko, baina oraindik ez dugu bisitarik izan, gure ustez egoera pandemikoa ez dagoelako behar bezain egonkor edo seguru, bereziki gaztandegi barruko bisitei dagokienez. |
Esnearen kalitatea
|
|
|
Parametroa
|
Emaitza onena
|
Emaitza
|
Gantza
|
>3,70
|
3,87
|
Proteina
|
>3,10
|
3,38
|
Bakteriologia
|
<100.000
|
12.000
|
Zelula somatikoak
|
c. 150.000
|
187.000
|
Inhibidoreak
|
Ez
|
Ez
|
|