Hileko errezeta: kuiatxoan bildutako izokina gazta-saltsarekin
4 xerra izokin
1 kuiatxo gazte
Gurina
250 g gazta ondu arraspatu
2 koilarakada irin
Oliba-olioa
Gatza eta piperbeltza
500 ml esne
Errezeta hau primerakoa da garai honetarako, beroa ala hotza egingo duen ez dugulako argi izaten eta baratzeetan oraindik ere kuiatxoak ditugulako. Gazta-saltsarako osagaien kantitatea aldagarria da, per- tsona bakoitzaren gustuen araberakoa (esne gehiago edo gutxiago saltsa lodi edo arinagoa egiteko, gazta gehiago edo gutxiago...).
Garbitu arraina. Garbitu eta zuritu kuiatxoa, eta moztu xerra oso fine- tan, luzetara. Bildu izokin-xerrak kuiatxo-xerrekin eta sartu laberako erretilu batean, oinarrian ur apur bat duela. Ondu nahi bezala eta zabaldu gurin pixka bat xerra bakoitzaren gainean. Sartu labean 15 minutuz, edo arraina eginda egon arte.
Bitartean, prestatu gazta-saltsa:
Berotu 2 koilarakada oliba-olio. Erantsi irina pixkanaka, etengabe era- ginez, pasta bat lortu arte. Erantsi esnea apurka-apurka, nahi den lodiera lortu arte. Etengabe eragin behar zaio, pikorrik sor ez dadin. Sortuko balira, erabili irabiagailua saltsa uniformea lortzeko. Gero, erantsi gazta arraspatua, berriro etengabe eraginez, erabat urtu arte.
Arraina prest dagoenean, zerbitzatu saltsarekin batera. Lurrunetan eginiko sasoiko barazkiak ere zerbitza daitezke, brokolia, azenarioak edo porruak, esaterako. | 
