Zer egin genuen azaroan?
Zer jan zuten behiek? Azaroan, behiek alpapa, ilarra, belarra, belar lehorra eta pentsu pixka bat jan zuten. Txahalak eta behi lehorrak bazkatzera atera ziren, eta belar ondu eta pentsu apur bat ere eman genien. |
|
Hileko landarea: oreganoa (Origanum vulgare) |
| Barkatu argazki honen kalitate eskasagatik.Oreganoa, normalean, uztaila eta iraila bitartean loratzen da; hortaz, azaroan oraindik loretan egotea klima-aldaketaren beste seinale bat da. Oreganoa leku gutxitan hazten da baserrian (argazkia gure baratzeetako ba- tena da). Oregano izenak bi berba grekotan du jatorria, zeinak batera “distira mendian” esan nahi duten. Egun, oreganoa sukald- aritzan erabiltzen da, nagusiki, baina medikuntzan ere garrantzitsua izan da. |
Hileko errezeta: kalabaza-gozokia | 1 kalabaza
200g azukre beltz
100ml esne-gain
2 arrautza
(Doitu kantitateak norberaren gustuaren arabera: azukre/esne-gain gehiago/gutxiago…)
Zuritu eta zatitu kalabaza, eta kendu haziak. Jarri iragazki batean ordu erdiz, drainatzeko. Sartu lapiko batean eta izan irakiten astiro, ordu erdiz edo bigundu arte. Kendu sutatik eta irabiatu irabiagailu batekin, harik eta purearen trinkotasuna izan arte. Erantsi 150 g azukre eta nahastu ondo, urtu arte. Gehitu, pixkanaka, esne-gaina, etengabe eraginez. Irabiatu arrautzak katilu batean, erantsi poliki-poliki eta eragin azkar nahasteari, arrautza ez mamitzeko. Jarri dena laberako ontzi batean, banatu gaine- rako azukrea nahastearen gainean eta sartu labean 150 ºC-tara. Ordubete igarotakoan, itzali labea, baina utzi gozokia barruan atea ireki gabe, labea erabat hoztu arte. Aukerarik onena da gozokia iluntzean egitea, horrela gauean labea itzalita izateko. Hotz jan. |
Egurraldia dela eta...
| Azaroan ,eguraldia nahiko aldakorra izan zen berriro. Egun batzuetan, hego- haizea izan genuen, eta tenperatura altuak urtaro honetarako, 20 ªC-tik gorakoak ere; beste egun batzuetan, berriz, tenperatura leunagoa izan zen, eta goiz batzuetan 3,2ºC-ra ere jaitsi zen. Horrenbestez, egun eguzkitsu eta lainotsuak izan genituen, baita behe-lainoa ere. Plubiometroan, 30 litro inguru euri besterik ez jaso genuen. |
Joan den hilean, prestakuntza-ikastaro bat egin genuen, eta ataletako bat COVIDari eskaini zitzaion, batez ere gaur arte hartu ditugun neurriak testuin- guruan jartzeko eta egokitzeko. Vista Alegre taldean, oraindik ez dugu kasu positiborik izan, eta gainazalen, uraren eta esnekien azken analisiak oso ondo atera dira. Neurri garrantzitsuenak dira gure instalazioak zorrozki gar- bitzea, baita eskuak ere, eta maskarak eta gelak erabiltzea. Halaber, indartu egin ditugu salgaiak (ontziak, lanabesak, legarrak, etab.) uzten dizkigute- nean hartu beharreko neurriak. Familia ugarik zailtasun ekonomikoak dituzte, COVIDaren ondorioz; hori dela eta, Bizkaiko Elikagaien Bankuak abiaturiko beste kanpaina batean parte hartu genuen. |
|
Baserriko ohiko lanaz gain, minda zabaldu genuen, |
| zelai batzuk sasiz garbitu genituen, hesiak konpondu genituen eta larreetako zuloen inguruak garbitzen jarraitu genuen. Azaroan, aziendaren ohiko saneamendu-kanpaina ofiziala egin zen, tuberkulosi- eta bruzelosi-azterketak eta mihi urdinaren aurkako txertaketa barne. Oraingoz, emaitzak onak dira. Silo-bolak ere aztertu genituen, haien gainean salto egiten duen animaliaren baten atzaparrek egindako zulo txikiak estaltzeko.
|
|
Azaroan, idisko bat eta zekor bat jaio ziren. |
Baratze, lorategi eta larreak garbitzean, aurten ere, urtero bezala, apoak (Bufo bufo) daudela ikusi dugu. Beti saiatzen gara ahalik eta toki gertuenetara eta landaredi egokia dutenetara mugitzen, hasieran zeuden tokian utzi ezin baditugu. |
|
Banaketarako furgonetek beren hotz-sistemen aldizkako ikuskapena gainditu zuten.
|
Esnearen kalitatea
|
Parametroa
|
Emaitzaonena
|
Emaitza
|
Â
|
Â
|
|
Gantza
|
>3,70
|
 4,29
|
Proteina
|
>3,10
|
3,39
|
Bakteriologia
|
<100.000
|
16.000
|
Zelula somatikoak
|
c. 150.000
|
201.000
|
Inhibidoreak
|
Ez
|
Ez
|
|