Zer gertatu zen otsailean?
15ean, talde batek bisita egin zigun, otsailero Karrantzako Turismo- bulegoak antolatzen duen "Gastronomia Jardunaldiak" egitasmoaren barruan. |
| 25ean, Mertxe, Unai eta Blanca izan genituen bisitan, esneki ekolo- gikoak topatzeko interesa dutenak .
|
| 26an, ENEEK Nekazaritza eta Abeltzaintza Ekologikoaren Kontseiluko Edurne etorri zen, ziurtagiri ekologikoa bermatzeko aldizkako ikuskapena egitera. |
| 27an, Gregorio, Fermin eta Marilu etorri zitzaizkigun, nor bere Gipuzkoako baserritik, gure eskarmentua ezagutzera eta ideiak zein informazioa partekatzera. Guretzat oso interesgarria izan zen berriz ere haiekin hitz egitea, esnekiak egiteko beren ekimenak nola kudeatzen dituzten ezagutzeko. |
Hileko lorea: Muxika (Prunus persica) |
| Muxika arbola hostogalkorra da, Txinako ipar-mendebaldekoa; bertan hezi eta landatu zen aurrenekoz. Izen espezifikoa, “persica”, zor zaio muxika Persiakoa (egun, Iran) zelako uste europarrari, herrialde hartan asko landatzen zela eta. Muxika bai fruta gisa bai landatzeko heldu zen Europara. Fruta mertxika nahiz nektarina izenez da ezaguna, baina ez dira espezie desberdinak, jendeak kontrakoa uste arren. Antza denez, gene bakar baten mutazioak eragiten du frutaren azalean biloak agertzea ala ez. Gaur egun, ehunka mertxika-laborantza desberdin daude. Argazkikoa Errioxako laborantza bateko aldaxka batetik landaturiko mertxikondoa da; bere egunean, baina, ez zen izena jaso. |
Otsailean, hiru zekor eta bi bigantxa jaio ziren. |
Eguraldi-kontuak: | Otsaila oso lehorra izan zen, eta 21 litro euri besterik ez genuen jaso plubiometroan, hilaren 24ra arte. Azken astean, beste 23 litro jaso genituen. Eguraldi lehorrari, zenbait egunetan, hego-haizeak lagundu zion; horrexegatik, lurra ohi baino lehorrago egon zen. Hala, otsailean izandako euri urriak mesede handia egin zuen. Tenperatura minimoa, oro har, nahiko altua izan zen, urtaroa kontuan hartuta: 10-13º C bitartean egun askotan; noizbehinka, baina, baxuagoa izan zen, 2-3º C, esaterako. Pare bat aldiz, tenperatura maximoak 20º C-tik gorakoak izan ziren, eta hori ez da batere ohikoa otsailean. Egun eguzkitsuek lehen sugandilen (Podarcis sp) agerpena eragin zuten,
|
| eta, eskuarki, egunsenti koloretsuak izan genituen. |
|
Zer jan zuten behiek?
| Beste behin, behiek bazka eta kontzentratu pixka bat jan zuten. Ezin izan zuten bazkatu, baina hilaren amaieran bai eraman ahal izan genien goizean mozturiko belar apur bat ("berdea" deitzen dena). |
|
Baserrian, besteak beste, zenbait eremu sasiz garbitu, beste batzuetan purina banatu, eta hesi batzuk konpondu genituen. |
Hileko errezeta: ogi- eta marmelada-budina
Errezeta hau 2012ko martxoan gure webgunean paratu genuen budinaren aldaera bat da.
300 g gurin
300 g ogi (egun batekoa)
Laranja garratz marmelada
3 arrautza
60 g azukre beltz, gehi koilarakada bat azukre
2 koilarakada whiski
275 ml esne oso
75 ml esne-gain
Intxaur muskatua, nahi beste
Limoi- eta laranja- azal birrindua
Zerbitzatzeko: esne-gain harrotua edo creme fraiche
Moztu ogi erdia xerra loditan eta zabaldu gurina alde bietan. Sartu laberako balio duen ontzi batean. Zabaldu marmelada gainean. Moztu xerratan ogiaren gainerakoa, zabaldu gurinaren gainerakoa alde bietan, eta sartu ontzian lehengo ogiaren eta marmeladaren gainean.
Irabiatu arrautzak eta azukrea, gero irabiatu esneaz, whiskiaz, esne-gainaz eta beste koilarakada bat marmeladaz. Erantsi intxaur muskatua eta limoi- eta laranja-azal birrindua. Isuri ogiaren gainera, dena estali arte, eta utzi 30 minutuz.
Berotu labea 180º C-tan.
Zabaldu beste koilarakada bat azukre budinaren gainean eta sartu labean 35-40 minutuz, harik eta gorritu arte. Hoztu 10 minutuz, eta zerbitzatu esne-gain harrotuz edo creme fraiche-z. |
Baserritarren Azokara larunbatero joan ginen. |
Esnearen kalitatea |
|
|
|
|
|
Parametroa
|
Emaitza onena
|
Emaitza
|
|
|
|
Gantza
|
>3,70
|
3,74
|
Proteina
|
>3,10
|
3,09
|
Bakteriologia
|
<100.000
|
10.000
|
Zelula somatikoak
|
c. 150.000
|
 146.000
|
Inhibidoreak
|
Ez
|
 Ez
|
|