2016an, kexa bat jarri genuen esne-zentral batek egindako iragarkia dela eta. Bertan esaten zuen, erabiltzen zuen esnea “Euskal Herrian jasotako eta ontziratutako bakarra dela”. Hau horrela ez denez, izan ere Vista Alegre Baserria eta Euskal Herriko beste baserri eta gaztandegi batzuk esnea Euskal Herrian jaso eta ontziratzen dutenez, kexa formal bat egin genuen Eusko Jaurlaritzako Lehiaren Euskal Agintaritzan. Hauek, bere garaian, gure kexaÂÂÂÂ Merkatu eta Agintaritza Batzorde Nazionalera pasatu zuten. Azken honek, hiru urteren ondoren, bere epaitza bidali digu, gure kexuaren kontra. Bertan esaten dute enpresen tamainaren desberdintasuna (eta azpimarratzen dute esne-zentral honek 2017an 120.862.000 eurotako diru sarrera zuela) eta esne mota desberdinak direla eta, iragarki honek ez du lehiakortasun arazorik aurkezten. Gure ustez, enpresaren tamainak eta esne motak ez dute zer ikusirik “Euskal Herrian jaso eta ontziratutako bakarra” esaldia gutxienez okerra izatearekin. Gure buruari galdetzen diogu ea gure defentsa bakarra epaiketara joatea izango zen, eta hau, argi eta garbi, gure ekonomi-gaitasuna gainditzen du. Hala ere, bitxia da telebistatik iragarki hau kendu izana. |