Hile honetan, gaztandegian egin dugun gauza garrantzitsuenetariko bat gure esne pasteurizatuaren ontzi aldaketari amaiera jartzea izan da. Gaur egun plastikozko poltsetan saltzen dugu, baina bai kudeaketa errazteko zein ingurugiro arrazoiak direla eta esnea botiletan saltzea erabaki dugu. Hasiera baten erraza dirudien aldaketa honek lan asko eman digu: gure bezeroen aukera ezagutzea, botila egokiak non aurkitu, botila hauentzako kutxa egokiak bilatu banaketarako, ontzi berrietan esne ze salneurritan saldu, etiketa berri bat egin, izan ere poltsek zuzenean plastikoan inprima- tua ekartzen baitute, inprimaki kontableak eta eskaera orriak aldatu gaz- tandegian, eta abar. Azkenean bi botila mota erabiliko ditugu, bata plas- tikozkoa eta bestea beirazkoa. Izan ere, nahiz eta azken helburua esnea ontziratzeko plastikoa kentzea izan, gure bezeroen erdiak esan digu plas- tikoa nahiago zuela beira baino. Bakarrik espero dugu botilak birziklatzeko ontzietan jartzea. Jendea beira erabiltzera animatzeko asmoz, baldintza egokietan (garbi, etiketarik gabe, taparik gabe eta osorik) itzultzen duten botila bakoitzeko 10 zentimo itzuliko dizkiegu. |