Zer gertatu da apirilean?
Egunero baserriko ohiko lanak egiten jarraitzen dugu... behiak elikatu, jeitzi, eta abar. Beste lan batzuk egin ditugu ere, haien artean hesiak konpontzea, |
| eta kortatik simaurra ateratzea. |
| Hile honetan, aurreko hileko laburpenean aipatutako 8/9 hektarea horiek galtzearen ondorioz, behi taldea maneiatzeko era berrantolatu behar izan dugu, adibidez, hesi berriak egiten behiak larrez aldatzeko jeitzi aurretik eta ondoren. |
|
|
|
|
Lau bisita izan ditugu apirilean. Lehenik eta behin, Barakaldoko gazte talde bat etorri zen 21ean. |
| Bigarrenik, Bermeoko familia bat etorri zen 22an, igandea. |
| Gero, 26an Erandioko batxilergoko 85 ikasle izan genituen, talde bat goizean eta bestea arratsaldean. Azken hauen bisita ingelesez eta euskaraz egin genuen. |
| Eta azkenik, Bilboko bi familia etorri ziren, apirilaren 30ean.
|
Hileko landarea: Orchis mascula |
| Gure zelai bateko ertz baten orkidea honen ale bakarra agertu zen. Hain zuzen ere, agertu zen lekuan minda gutxiago jasotzen du eta lurrak nitrato kontzentrazio txikiagoa dauka. Espezie honek azpiespezie asko ditu eta loreen kolorea asko alda daiteke, zuritik purpura bizira. Orkidea honek ez du nektarrik ekoizten eta bere loreen forma eta kolorea erabiltzen ditu intsektu polinizatzaileak erakartzeko, hala nola, erleak, liztorrak eta batzuetan kakalardoak. Orchis mascula-ren sustraiek fekula bat (almidoia) daukate, zeinak elika-balio handia daukan. Hau dela eta, Europako hegoaldeko hainbat guneetan bildu egiten zen eta lehortu irina bat lortzeko, zeina ura edo esnearekin eta azukrearekin nahasten zen salep izeneko edaria egiteko.
|
Egurraldia dela eta:
| Apirilean tenperatura oso aldakorra izan da, baina beti igotzeko joerarekin. Egun lainotu batzuk izan genituen, eta jarraian egun oso euritsuak. Honen ondoren, tenperatura altuko eta hego haizeko egunak izan genituen, zeinetan egunean zehar tenperatura 24ºC-tara heltzen zen. Egun beroetan behiek itzala bilatzen zuten |
| eta aste honetan belar siloaren lehenengo txanda egin genuen. |
|
| Beroa ekaitz izugarri batekin bukatu zen, zeinean tximistak, trumoiak eta euria izan genituen, baina zorionez txingorrik gabe. Euria oso ona izan zen moztu berri zeuden zelaien belarra hazten hasteko. Hilaren gainontzeko egunetan eguraldi nahiko ezegonkorra izan genuen. Izan ere, egun hauetan eguzkia, hodeiak eta euria izan genuen, eta tenperaturak behera egin zuten. Plubiometroan 135 litro ur jaso genituen. |
Zer jan zuten behiek? Hilaren hasiera oso euritsua izan zenez behientzat belar asko egon da. Larreetara bazkatzera irten ziren eta belar fresko moztu berria eraman genien pabilioira. Belar lehor pixka bat ere eman genien. |
|
|
Astero Bilboko Areatzan egiten den merkatura joateaz gain, 28an Urduñako azoka ekologikoan izan ginen. |
|
Hileko errezeta: Krepeak
Osagaiak:
100g irina
Arrautza irabiatu bat
250ml esne
Frijitzeko guruina
| Pixkanaka irina, arrautza eta esnea nahastu loditasun erdi-likidoa lortu arte, eta pikorrik gabekoa. Zartagin baten guruin koilarakada bat berotu eta nahasturaren kopuru nahikoa jarri zartaginaren ipurdia estaltzeko. Zartaginean eduki orea sendotu arte eta buelta eman beste aldea egiteko. Gehiegi ez egin! Zartaginetik atera eta plater baten jarri. Beharrezkoa izan daiteke guruin gehiago zarta- ginean ipintzea ore gehiago gehitu aurretik. Behin platerrean daukagula hamaika eratan bete daiteke, gozo edo gazi. Europa iparraldean ohikoa izan da krepearen gaienean guruina zabaltzea, azukrea gehitu eta limoi zuku pixka bat. Krepea biltzen da eta komenigarria da bero jatea. |
Esnearen kalitatea:
Apirilaren 25ean GUVAC kooperatibak antolatutako hitzaldian egon ginen. Bertan esnearen kalitatea eta gaztak hanpatzearen arteko erlazioari buruz hitz egin zen. Hitzaldian, esnea ekoiztean, gazta egiterako orduan arazoak sortu ahal dituzten gauzei buruz hitz egin zuten, bereziki belar-siloaren erabileran (onena silorik ez erabiltzea da, baina belar lehorra egin ahal izana tokian-tokiko eguraldiaren araberakoa izango da), belarra mozteko modu onenak (oinarrian, moztutako belarrean lurrik ez dagoela ziurtatuz, eta beraz, belarra mozteko altuera igoz, belarra bustita dagoenean ez mozteaz ziurtatuz eta minda edo zimaurra bota ondoren ez moztuz... 50 egunetako minimoa utziz) eta jeizteko praktiken optimizazioan sakonduz (batez era fase guztietan higienea zainduz). Aflotoxina eta butirikoei buruz ere hitz egin zuten, nahiz eta beste mikrotoxina batzuk ere kontutan hartu behar dira. Hitzaldia erabilgarria izan da gogoratzeko abeltzaintza praktika onak ezinbestekoak direla gure gaztandegian emaitza onak lortzeko. |
Esnearen kalitatea
| |
Parametroa
|
Emaitza onena
|
Emaitza
|
|
|
|
Gantza
|
>3,70
|
3,80
|
Proteina
|
>3,10
|
3,23 |
Bakteriologia
|
<100.000
|
10.000
|
Zelula somatikoak
|
c. 150.000
|
117.000
|
Inhibidoreak
|
Ez
|
Ez
|
|