Zer gertatu da Ekainan?
Hil honetan hiru azokatan egon gara: ekainaren 1ean Aizarnazabalen,
euskal probintzia ezberdinetako baserritarrak batzen dituen azokan.
|
|
Ekainaren 2an Alonsotegin egon ginen; eta ekainaren 15ean Karrantzan.
Gainera, birritan egon gara Karrantzako bainuetxean bezeroei geure
produktuak erakusten.
|
Barakaldoko Gurutzetako ospitaleak erabaki zuen Ingurumenaren Nazioarteko Eguna
(ekainak 5) ospatzea gaixo guztiei menu ekologikoa eskainiz. Menuaren baitan, besteak
beste, gure gaztandegiko jogurtak eta gazta ondua izan ziren.
Ekainaren 10ean parte hartu genuen Enkarterriko ekoizleen eta jatetxeen arteko 1.
topaketan. 27 elikagai-ekoizle bertaratu ziren, denak Enkarterrikoak. Topaketan inguruko
produktuekin egindako pintxoak aurkeztu ziren eta Karrantzako Txema Llamosas sukaldariak
era berean bertako produktuekin egindako platerez osatutako tailerra aurkeztu zuen.
Hil honetan aurrekoan baino pinpilinpauxa gehiago ikusi dugu, baina ez garai
honetan ikusi beharko liratekeenak beste. Zalantzarik gabe, ezohiko eguraldia
eragina izaten ari da haiengan. Gaueko tximeleta honek egun batzuk pasa
zituen hilabete hasieran gaztandegiko leihora itsatsita. Beste hainbatekin
gertatu izan zaigun bezala, ezin izan dugu tximeleta hau identifikatu; hortaz,
norbaitek lagundu ahal badigu, eskertuko genuke.
|
|
Honi, ordea, izena jartzera ausatu gara... perla-tximeleta txikia
(Clossiana selene), baina eskertuko genuke inork berretsiko balu.
|
|
|
Eguraldia hil honetan nahiko arraroa izan da, aurrekoetan bezala. Tartekatuta
izan ditugu egun eguzkitsuak, garai honetan ohikoak diren tenperaturetara iritsi
gabe, eta egun hotz, euritsu eta hezetasun handikoak. 100 litro euri baino
gehiago jaso dira, oso gauza arraroa ekainerako, hil hau urteko lehorrenetariko
bat izaten baita (30 litro euri inguru jaso ohi da).
|
Kontuan hartuta izandako eguraldia, argi dago behiak ezin izan direla egunero
atera bazkatzera; hortaz, alpapa eta pentsua ematen jarraitu dugu, eta,
ahal izan dugunean, berde pixka bat.
|
|
Halaber, eguraldiak siloratzeko eta belar lehorra egiteko lana zaildu du,
baina azkenean birritan lortu dugu.
|
|
|
Beste hainbat baserrik gauza bera egin zuten, eta, ondorioz, Karrantzak
lursailen berde, marroi eta gorri-hori koloreez egindako mosaiko itxura
hartu zuen.
|
|
Belarra mozteko unea ona da sugeak bistaratzeko. Suge hau aurreko
egunean moztutako belarraren gainean zegoen eguzkitan, Seoaneko
sugegorria da: besteak bezain oldarkorra ez bada ere, bere haginkada
arriskutsua da. Aurten ez dugu suge gehiegirik ikusi, ezta entzun ere,
hau ere, ziur aski, ohi baino tenperatura baxuagoak direla eta.
|
|
|
Ekainaren 11n abeltzaintza sektorearekiko interes handia, esne-behiak eta
gaztandegia dituen bikote gaztea, Aragoiko Pau eta María, etorri
zitzaizkigun bisitan. Zorte handia opa diegu etorkizunerako.
|
|
|
Hil honetan zekor bat bakarrik jaio da, larrean amarekin.
Ekainaren 28an Bizkaian ondoen kudeatutako esne behitegiaren saria
jaso genuen, Euskadiko Abere Ustiategien XIII. Lehiaketan.
Hileko lorea: Silene sp. |
|
Ezin izan dugu jakin Silene espezietariko zein den Matienzoko errepide
eta bideen aldeetan aurkitzen den lore hau, leku batzuetan ugari eta gure
baserrian ez horrenbeste. Silene espezie batzuek bereizgarri bat daukate
, honek ere bai: zurtoinak itsaskorrak dituzte eta, horregatik, ingelesez
“euli-harrapatzaile” izena ematen zaie, nahiz eta espezie honek ez dituen
harrapatutako intsektuak jaten. Pertsona batzuen arabera, itsaskortasun
horren funtzioa da loreen nektarraren bila zurtoinak igotzen dituzten
intsektuak uxatzea.
|
|
Hileko errezeta: “Jogurt opiltxoak” (Yogurt scones). |
“Scone”ak Ingalaterran mendeetan egin diren opiltxoak dira, baina
jogurtaren ordez esnearekin egiten dira. Errezetak hainbat aldaera dauka,
esaterako, azukrea kendu eta gazta birrindua, mahaspasak, limoia edo
txikitutako datilak gehitzea.
20 opil egiteko:
360g legamia daukan irin
90g gurin
Koilarakada txiki ½ gatz
2 koilarakada azukre beltz
Arrautza irabiatu 1
250g jogurt natural
|
Berotu labea 220ºCtan. Erantsi irina, gatza eta azukrea katilu batean eta
nahastu. Gehitu gurina hatz-mamiekin igurtziz irinarekin guztiz nahastu eta
nahasketak ogi apurrak eman arte. Gehitu arrautza irabiatua eta jogurta,
osagai guztiak hatzekin edo laban batekin nahastuz. Oratu dena bi edo
hiru aldiz. Zabaldu orea arrabol batekin 2cmko lodiera izan arte eta moztu
gutxi gorabehera 4cmko diametroko karratu edo zirkuluak. Jarri aldez
aurretik gurinarekin igurtzitako laberako erretilu batean 10-15 minutuz edo
gainetik pixka bat gorritu arte. Utzi hozten eta zerbitzatu, esaterako,
esnegaina eta mugurdi marmeladarekin.
|
Gure esnearen kalitatea |
Parametroa
|
Emaitza
|
Emaitza onena
|
Primarako emaitza
|
Gantza
|
3,75
|
> 3.70
|
> 3.70
|
Proteina
|
3,15
|
> 3.10
|
> 3.10
|
Bakteriologia
|
9,000
|
< 10.000
|
< 10.000
|
Zelula somatikoak
|
292.000
|
150.000
|
< 400.000
|
|
|